- Тарих толқынында
- 14 Қараша, 2013
ӨНЕР-БІЛІМ – СҰЛУЛЫҚ МЕКЕНІ
Жауқазындай жаз дидарлы жастар үйі екен – бұл. Қыр гүліндей құлпырған қыздар үйі екен – бұл. Алуан асқақ арманның арна үйі екен – бұл. Бақыт пенен шаттықтың мекен үйі екен – бұл. Өлең-жырға өрілген өнер-ғылым, білімнің ұя-үйі екен – бұл. Сұлу тұлға, сұлу тән, сұлу жүрек, сұлу жан махаббат үйі екен – бұл. Қазақ қыздарының үлкен ғылыми қара шаңырағы – Қыздар Мемлекеттік педагогикалық университеті – бұл.
Қазақ Мемлекеттік Қыздар педагогикалық университетінің Қоғамдық-гуманитарлық пәндер кафедрасы 2005 жылы құрылған. Алғашқы 2001-2002 оқу жылынан бастап кафедраны ҚР ҰҒА академигі, философия ғылымының докторы, профессор Ә. Нысанбаев, 2004-2005 оқу жылынан доцент Е. Найзағараева, 2005-2009 жылдары профессор Н. Сейтахметов басқарды. Ал 2009-2013 жылдары саяси ғылымдарының кандидаты Э. Туғанова, биылғы оқу жылынан бастап саяси ғылымдарының докторы, профессор Б. Иманбекова басқарып отыр.
Қазіргі кезеңде кафедрада – 4 ғылым докторы, 8 ғылым кандидаты, 8 ғылым магистрі қызмет атқарады. Қоғамдық-гуманитарлық пәндер кафедрасының профессор-оқытушылар құрамы бүгінгі заман талабына сай кәсіби шеберлігі жоғары деңгейдегі педагог-кадрларды дайындау мақсатында жемісті еңбек етуде. Кафедраның оқытушылық құрамы көп жылдар еңбек еткен тәжірибелі педагог мамандардан құралған. Атап айтсақ, педагогика ғылымының кандидаты Д. Нөкетаева, философия ғылымдарының докторы, профессор С. Оспанов, саяси ғылымдарының докторы, доцент Б.Иманбекова, философия ғылымдарының кандидаты, доцент К. Толысбай, философия ғылымдарының докторы, Б. Аташ,саяси ғылымдарының докторы, профессор Н. Абуева, саяси ғылымдарының докторы, доцент К. Жайшыбекова, саяси ғылымдарының докторы, Э. Туғанова, саяси ғылымдарының докторы, доцент Н. Әшкеева, социология ғылымының кандидаты, А. Қалиева, саяси ғылымдарының кандидаты, аға оқытушы Ж.Сәрсенбаева, аға оқытушылар Р. Саурбаева, Ә. Сәрсенова,Қ.Туғанбаев, оқытушылар: С. Қосдәулетова, Р. Саутбаева, С. Туленова, Н. Қайдаулова, Г. Отыншиева.
Қоғамдық-гуманитарлық пәндер кафедрасында 5В010500-«Әлеуметтану» және 5В090500-«Әлеуметтік жұмыс» мамандықтары бойынша бакалавр және магистратура бар.
Қазақстан Республикасының стратегиялық даму бағыттарына сәйкес бәсекеге қабілетті мамандар дайындауға белсене ат салысып келеді. Қазақстан Республикасының ЖОО-на қойылған талаптарға сай инновациялық оқытудың әдіс-тәсілдерін меңгеруде. Кафедра білім беру мен ғылымды дамыту мақсатында шетел ғалымдарымен тығыз байланыста жұмыс істейді. 2013 оқу жылының 26.09-09.10 аралығында АҚШ-тың Миссисипи Валлей Стейт университетінің PҺD докторы Кэтти Голден магистранттар мен студенттерге арналған «Халықаралық саясат және әлеуметтік мәселелер» атты тақырыпта шеберлік класын өткізді.
Жыл сайын қоғамды-гуманитарлық пәндер кафедрасының магистранттары LAMS Ұлыбритания, Түркия университеттерінің ғалымдары мен тәжірибе алмасып отырады.
483 рет
көрсетілді1
пікір