- Ұлттану
- 09 Сәуір, 2014
Сайт оқырмандары не дейді?
Ұлттық қоғамдық-саяси «Ақиқат» журналының сайты оқырмандар саны бойынша «Қазақ газеттері» серіктестігіне қарасты басылымдардың арасында алдыңғы орындарда келеді. Бүгінгі күні сайтқа 20 мыңға жуық оқырман кіріп, ой-пікірлері мен сауалдарын жолдаған. Біз үшін әрбір оқырманымыздың пікірі маңызды. Байланысымыз одан әрі жалғасын табады деген оймен ең өткір, қызықты пікірлерді жарияладық.
«ҚАЗАҚ ӘЙЕЛІ»
Авторы: Қалтай Мұхамеджанов.
Дана: Тамаша. Осы ойларды дәлелдеп, орыс тілінде қағазға түсіріп жатырмын. Қазіргі гендер саясатының екпінді енгізу жолына түскендерге айтар сөз көп. Өзге елдің мәселесін талқылау қаншалықты бізге қажет!
Қазақтың дәстүрлі мәдениетіндегі гендерлік қатынасты барлығына дұрыс жариялау арқылы мәселеден гөрі үлгі боларлық тарихымызды паш ету керек емес пе?
«ЖҰМСАҚ»
Авторы: Есенғали Раушанов
Қыр қазағы: Түкке тұрмайтын жүз мақаладан артық. Осындай дүниелер көп болса ғой.
«Қазақ әдебиеті» газеті – ұлттық рух жаршысы»
Авторы: Сейдолла Садықов
Төлеубек Мұсатайұлы: Жұмабайдан басқа қасында Жайлыбай Ғалым, Райымбек Маралтайдай ақын-жазушылар барында Қазақ әдебиеті өрлеп, әлі де биікке шығарына сенімдімін. Қазір де бұл газет көпшілікпен оқылады. Көп нәрсе алуға болады.
«ЛАТЫН ҚАРПІНЕ КӨШУ ТУРАЛЫ»
Міржақып Дулатовтың 1924 жылы Орынборда қазақ-қырғыз білімпаздарының тұңғыш съезінде сөйлеген сөзі
(Гүлнәр Міржақыпқызының жеке архивінен)
Орынбай Абай: Бұл мақала шамасы, латынға көшпейік деген сыңай сияқты. Біріншіден, қазір басқа заман. Уақыт басқа. Мақала 20 ғасырдың басында жазылған. Қазір компьютер тілі пайда болды. Компьютер тіліне ең қолайлы латын әліпбиі кириллге қарағанда. Екіншіден, қазіргі біздегі қолданыстағы әліпби кирилл әліпбиі. Ал Міржақып бұл мақалада араб әліпбиімен салыстырып отыр. Қазіргі уақытта араб әліпбиіне көшудің ешқандай мән-мағынасы жоқ. Ал кирилл әліпбиі қазақ тілінің болмыс-бітімін еш аша алмайды. Кейбір қазақ сөздері өзгеріске ұшырап жатыр. Ал орыс тілінен енген сөздерді ешқашан қазақша жаза алмаймыз мына әліпбимен. Кирилл әліпбиіне көшкелі қазақ тілі кірме сөздерді, әсіресе орыс тілінен, өз тіліне бейімдеу қабілетінен айырылды. Бұлардай кемшіліктерден құтылу жолы – латынға көшу.
Дана: Әріпті өзгертсе, елімізде талай ғаріп пайда болады деп ойлаймын. Орыстың жазуынан қашып, Европаға ұмтылғанмен не пайда? Тарихымызды бәрібір өзгерте алмаймыз. 20 жылда қазақ тіліне жеттік десек, жаңа әріппен жазып, тағы ақсай бастаймыз емес пе? Біреуіміз тіл біліп жазуға қиналса, екіншілер жазуды біліп біздің жазуды ұға қоймай қазақты біріктіруден ғөрі ортамызға тағы іріткі салғанмен бірдей деп ойлаймын. Абай, Шәкәрім, Мұқтар мен Міржақыптардың кириллицамен жазылғандарын қайта жазып азаптанудың кажеті бар ма?
«Қазақ немқұрайдылығының қатері»
Авторы: Сейілбек Мұсатаев.
Мақсат: Әлеуметтік жағдай түзелмей немқұрайдылық та жойылмайды. Автор дұрыс айтады, ынталандыру жүйесін дұрыстауымыз қажет. Мен де көп таныстарымның хал-ахуалын білем, кейбірі 30 мың теңге айлық алады, 40-45 мыңмен жүргені қанша. Бәрінің жоғары білімі бар маман. Шықпа жаным шықпа деп зорға жүр. Мүлдем жұмысы жоқ, айлық жалақы дегенді білмейтін жұмыссыздар қаншама… Ал байларың жүр, шашып-төгіп... Қиын...Немқұрайдылық шынымен қиын проблема... Өтірік мақтану мен ұрандау түбімізге жетіп жүрмесін.
«Қазақстан-2050» Стратегиясы: бір халық – бір ел – бір тағдыр»
Мухтарова Гүлиза: Өте жақсы жазылған, көп рахмет! Еліміз аман, жұртымыз тыныш болсын!
«Хиджаб пен Ұждан арасы…»
Авторы: Жарқыннұр Болысханқызы
Түргеш: Айналайын, Жарқыннұр қарындасым! Орамал тақпасаң, ол өз шаруаң. Алайда орамал таққандарды айыптау, оларға жала жабу – бұл советтік тәсіл. Қазір қазақ елінде бұрын соңды болмаған қаракөз жезөкшелер көп. Орыс жігітіне тұрмысқа шыққан қазақи иісі жоқ қыздарымыз қаншама. Сен одан да сол мәселелерді қозғасаң нетті?
«КЕРУЛЕН» ТОБЫ
ЖӘНЕ АЙГҮЛ»
Авторы: Сейілғазы Әбдікәрімов.
Балсұлу: Жалпы мен Айгүл Үлкенбаеваның өнеріне басымды иемін, ол батыстың әуенімен күй тартқанда мен елімнің топырағын басып жүргендей күй кешемін. «Керулен» тобына өнердің биік-биік шыңдарынан көріне беруіне шын жүректен тілектеспін.
271 рет
көрсетілді0
пікір