• Ұлттану
  • 13 Қыркүйек, 2014

ҚР Президенті Қазақстан мен ҚХР арасындағы ынтымақтастық деңгейін жоғары бағалады

 

Мемлекет басшысы Нұрсұлтан Назарбаев Қытай Халық Республикасының Төрағасы Си Цзиньпинмен кездесті. Бұл туралы Ақорданың баспасөз қызметінен хабарлады.

Келіссөздер барысында екі елдің көшбасшылары сауда-экономикалық, инвестициялық, отын-энергетикалық,  көлік-транзиттік және мәдени-гуманитарлық ынтымақтастықтың негізгі бағыттарын қарастырды.

Нұрсұлтан Назарбаев пен Си Цзиньпин екі елдің халықаралық және өңірлік ұйымдар аясындағы өзара іс-қимылдарына қатысты да бірқатар мәселелерді талқылады.

Сонымен қатар, халықаралық күн тәртібіндегі өзекті жайттарға қатысты пікір алмасты.

Қазақстан Президенті екі елдің арасындағы ынтымақтастық деңгейін жоғары бағалады.

- Біздің елдеріміз отын-энергетика саласында белсене ынтымақтасуда. Бүгінде Қазақстан мұнайының 20 пайызын қытай компаниялары өндіруде. Қазақстан-Түрікменстан-Қытай газ құбыры да жақсы жұмыс істеп тұр, - деді Нұрсұлтан Назарбаев.

Өз кезегінде ҚХР Төрағасы Қазақстан-Қытай қарым-қатынастарының оң қарқынын атап өтті.

- Биылғы мамырда Сіз Қытайға табысты мемлекеттік сапармен барып, АӨСШК саммитіне қатыстыңыз. Біздің Сізбен арамыздағы халықаралық және өңірлік ұйымдар аясындағы уағдаластықтарымыз белсенді түрде іске асып жатыр. Өзара іс-қимыл жалғасын табатын болады деп үміттенемін. Екі елдің игілігі жолында ынтымақтастығымызды жалғастыру үшін біз бар күш-жігерімізді жұмсауға әзірміз, - деді ҚХР Төрағасы.

Нұрсұлтан Назарбаев ҚХР Төрағасын Қытай Халық Республикасының алдағы 65 жылдығымен құттықтап, қытай халқына табыс пен бақ-береке тіледі.

 

11 рет

көрсетілді

0

пікір
Алдыңғы мақала Елбасы: Отбасы - Қазақстан қоғамының діңгегі, барлық жетістіктерінің негізі
Келесі мақала Елбасы: Терроризмге қарсы өңірлік құрылым қызметін жетілдіру үшін Астананың күш-жігерін жұмылдыруға әзірміз

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

AQIQAT №8

29 Тамыз, 2020

Жүктеу (PDF)

Редактор блогы

Дәуіржан ТӨЛЕБАЕВ

«Ақиқат» ұлттық қоғамдық-саяси журналының Бас редакторы