- Заманхат
- 04 Қыркүйек, 2015
Мәскеу Мекке емес, Путин пайғамбар емес ендеше, Балташ Тұрсымбаев ол жаққа неге сөз тасиды?
Аманхан ӘЛІМҰЛЫ,
«Ақиқат» журналының
Бас редакторы
Иә, осынау тақырып біреулердің құлағына түрпідей тиіп, одан олар қоғамдық саяси астар іздеп әлек болуы бек мүмкін-ау деген ой бізді ә дегенде мазалаған. Сөйтсек, онда тұрған ештеңе жоқ екен. Өйткені, шындығында да, кейбір сонау бір келмеске кеткен кеңестік кезеңді аңсаған «саққұлақтар мен қырағылар» 2000 жылы құрылған Еуразиялық Экономикалық Қауымдастықтың соңғы кездері саны артып, жақында өткен ресейдегі Қазақстан жылының салтанатты ашылуы мен ЕурАзЭҚ форумының тұспа-тұс өтуі, әлгілердің КСРО туралы сөне бастаған үміт шамын қайта жаққандай болды. Оған соңғы кездері кең етек жая бастаған Еуразия идеясын қоссақ, жаңағылардың санын шапағаттауларының ұлғая түскенін көреміз. Сөйтіп, олардың біреуі Мәскеуге барса, Меккеге барғандай, Путиннің қолын алса, пайғамбармен ұшырасқандай күй кешіп жүргеніне куә болып жүрміз. Мәскеуден кеудесіне құрмет белгісін тағып келген кейбір депутаттардың іс-әрекет, келелі жерде сөйлеген, енді, бір сөздері жоғарыдағыдай ой-тұжырымға жетелейді. Олардың КСРО-ны аңсап, Меккелікті Мәскеуден, пайғамбарлықты путиннен іздеуден әлі де үміті үзілмегенін байқаймыз.
Шынында да, бүгінде Мәскеудің үлкен, үлкен болғанда шектен шыққан алып қаржы империясының орталығына айналып отырғаны бесенеден белгілі жай. 10 миллиондай тұрғыны бар алып қала Ресейдің барлық экономика көзін бақылауға алған Мәскеу банкілерінің тұрағы болып отыр десек те, қателеспейміз. осыдан екі-үш жыл бұрын Ресейде баяғыдай ұлы қоғамдық-саяси идея жоқ болатын. Ал, енді, Путиннің билікке келуімен ол қайта қалыптасып, жойылған ұлы империяның «араны» басқа кеңістік пен уақыт деңгейінде ашылуда. Сөйтіп, гамлет сөзімен айтқанда, «распалась связь времен» деген ұғым бүгінде бірте-бірте құнын жоғалтып, өткен кеңестік кезеңдегі құрылымдар жүйесі қайта қалыпқа келе бастады. мысалы, соңғы уақыттағы Путиннің Ресей күш құрылымдарын жаңғыртып, оларға кезіндегідей тұтастық беруінің өзі соны байқатады емес пе?
Мұның бәрін тәптіштеп айтып отырғанымыз, өткен ғасырдың 20 жылдарының басында орыстың ұлы ақыны Сергей Есениннің мас болғанына қарамай, аузына құдай салды ма, Кремльдің нақ түбінде тұрып: «Бей коммунистов – спасай россию» дегенінен бастап, бүгінгі кезінде КСРО-ны таратуға белсене атсалысқан Ресей ақыл-ойының жетекшісі саналып, қоғамды қозғалысқа келтіре отырып, белгілі саяси күшке ықпалын жүргізген интеллигенциясының «целились в коммунизм, а попали в россию» дегенінің арасында соншалықты алшақтық жоқ екендігін байқаймыз. Олар өздері тәуелсіздік алған он жыл ішінде алып, империя Ресей билігін құлатқандарына көздері жетіп, бүгінде оны қайта қалпына келтіру үшін әртүрлі құйтырқы идеяларға барып жүр. Оны жіті байқаған орыс газетінің бір журналисі: «Я думаю даже, что в результате Казахстан может оказаться дальше от мирового рынка, чем сегодня. Произойдет это по той простой причине, что место западных инвесторов у нас займут российские финансово-промышленные группы, и мы будем торговать со всем миром уже через них» деп жазса, біз неге таң қаламыз. Бұ да бір пікір. Әйтпесе, президент «ТМД аясында интеграциялық процестерді жалғастыру керек» дегенде, ол әлгі әлдебіреулерге «Мәскеуді мекке де, Путинді пайғамбар көр» деген жоқ қой. Ендеше, кейбіреулердің «мысық тілеулері» бұл тұста артық кетіп жатыр-ау, сірә. Болмаса, біздің қай-қайсымыз да сан ғасырдан бері іргелес тұрып, тарихи, рухани, экономикалық-әлеуметтік байланыстағы елден қол үзсек деген ойдан аулақпыз. Сосын, енді, біреулер соңғы кездердегі көтеріліп жүрген Еуразия идеясынан да КСРО-ны көріп-білгендей, оны тағы сол орталығы Мәскеу де, билігі Путинде болатындай сезінуінің өзі адамға ой салады емес пе? Өткен ғасырдағы тарихшы Г.Вернадскийдің: «российское государство есть государство евразийское, и все отдельные народности Евразии должны чувствовать и сознавать, что это есть их государство» дей келіп: «русский народ есть основная сила Евразийского государства; русский язык есть основная стихия евразийской культуры» десе, сосын ол одан әрі жоғарыдағы пікірлеріне «история русского народа ... есть постепенное освоение русским народом своего месторазвития – Евразии» дегенді қосса, шынында да, әлгі Мәскеуді Мекке, Путинді пайғамбар көріп жүргендердің «мысық тілеулерінің» жаны бар ғой деп те ойлап қалуың бек мүмкін ғой. Ал, мұндай ойдан әлгілерді арылту үшін, Қазақстан тарихшылары, оның ішінде қазақ тарихшылары еуразия идеясының саяси мән-мағынасы мен тарихи астарына кең талдау жасауы керек-ақ. Оның экономикалық-әлеуметтік-тұрмыстық жағына Президент Н.Назарбаев айқын түсініктеме берген. Бар мәселе біздің тарихшыларымыздың Г.Вернадский, князь Н.Трубицкой, П.Савицкий секілді тарихшылардың сонау 1920 жылдардағы Прагадан, тіпті, одан да әрі патшалық ресей кезінен басталған Еуразия қозғалысына, оның бүгіндегі мұрагерлерінің сол жолдағы атқарып жатқан іс-әрекеттері мен алға қойған мақсат-мүдде, жалпы идеясының ауқымдылығына мән бермей отыруы қатты қапаландырады. Еуразия идеясына байланысты Путиннің кеңесшісі болып отырған тарихшы әрі философ Дугин де сол өздерінің қандастары, жоғарыдағы аталып өткен тарихшылардың ой-пікірлері мен тұжырымдарын бүгін де іске асыруға белсене атсалысып жүргенін күнделікті ресей басылымдарынан оқып-біліп отырмыз. Ал, біздің тарихшылар болса, былқ етпейді. Егер, олар осынау Еуразиялық, идеяға тарихи тұрғыдан келіп, оның қыр-сырын халқымызға түсіндірсе, әлгі Мәскеуді Мекке көріп Путинді пайғамбар санайтындар өздерінің жаңылыс ойларынан бас тартар еді. Шындығына келгенде, біз тәуелсіз мемлекет, егемен елміз. Оны Президентіміз үздіксіз айтып, сол жолда аянбай еңбек етіп келеді. Ендеше, азуын айға білеген тарихшыларымыз бен философтарымыздың, сосын саясаткерлеріміздің ресейлік әріптестерінен кейін қалып, не солардың орыс мүддесіндегі идеяларын қолдап-қорғап отыруларын қалай түсінеміз? Бұл бізде әлі де болса ұлттық идеяның қалыптасып, өз ой-пікірін білдіретін интеллигенцияның етек жинап, жады жаңартпағанының көрінісі болса керек.
Жалпы, қазақ халқы жоқ іздеген жұрт. Ол жоғын іздей-іздей тапса да, таппаса да, шаршап-шалдығып, өсіп-өнген ата-жұртына қайта оралады. Оны қазақтың «Ананың көзі балада, баланың көзі далада», «Ер үйде туып, түзде өледі», «Ер азығы мен бөрі азығы жолда», «Бала белде, қатын жолда» деген мақал-мәтелдерінен қарап білуге болады. Осындағы үнемі далаға алаңдап, түзге елеңдеу біздің ұлтымыздың қансіңді қасиеті әлі күнге дейін қалмаған. Оны біз қазіргі аумалы-төкпелі саяси-қоғамдық жағдайдағы басын тау-тасқа ұрған ізденісінен байқаймыз. Демократияның ә деген кезінде сөз бостандығы мен ой еркіндігін барынша малданып, өзінің дәстүрлі дала демократиясынан қол үзбесе де, соған таяу қалған іс-әрекеттері соны аңғартады емес пе? Соңғы бір-екі жылдың ішінде ұлтымыз қайтадан өзінің дәстүрлі тыныс-тіршілігі, салт-дәстүрінен өткен ештеңе жоқтығына кез жеткізген сыңайлы. Міне, осындайда әлгі жоқ іздеп, сырт аңсаған жұрт жоғарыдағы келтірген бүкіл мақал-мәтелдерін жоққа шығарып, «Ат айналып қазығын табады», «Өзге жерде сұлтан болғанша, өз еліңде ұлтан бол», «Ер туған жеріне, ит тойған жеріне» деген секілді философиялық, тұжырымға толы мақал-мәтелдер шығарады. Осы біріне-бірі қарама-қайшы мақал-мәтелдерден қазақ халқының бүкіл болмыс-бітім, тыныс-тіршілік, ұлттық-психологиялық, өмірлік кредосын айқындайтын қасиетті де киелі ұғыммен бірге, оның мәңгілік қозғалыстағы тұрмыс-салтын көруге болады емес пе. осыны таратып, індете бүкіл әлемдік философиялық деңгейге дейін көтеретін оқымыстыларымыздың немесе аталған саладағы ғалымдардың жоқтығына еріксіз таңғаламыз. Бұл қазақ, шынында да, үнемі сол жоқ іздеген жұрт күйінде қалмай, бүкіл халықтық деңгейдегі өркениет пен мәдениетке өзіндік ерекшелігімен қол жеткізген ұлт күйінде көруді армандаған ниеттен туған пікір. Бұл тақырыпты қаузап, індете жазуымызға түрткі болған жай, жақында әлгі бір өзін ақиқат құрбаны санайтын газеттердің бірінде «демократшыл» және сөз бостандығы мен ой, һәм ерік еркіндігін шектен тыс аңсап, мемлекет, ел-жұрт қамын жеген кейіпке ене, тәуелсіздік терісін жамылып, әлдебіреулерге тәуелді болып жүрген журналистердің «ашық қоғам жаршысы», ақшалы қалта Соросқа жазған ашық хаты болып отыр.
Қазір Қазақстанға келген тәуелсіздікпен бірге, мемлекет пен қоғамнан саяси «тепкі» көрген «данышпандар» мен «пайғамбарлардан» аяқ алып жүре алмайтын дәрежеге жеттік. Олар шеккен «азап» пен кешкен «қиямет-қайым күнді» адам баласына бермесін. Оны айтасыз, олардың Қазақстанды жерлеп, оның жаназасын шығарып қойғаны қашан. Бастарын ақиқаттың ақ жолына «тігіп», өздерін демократия «құрбандары» санайтын ондайлар үшін Қазақстанда «басар жер, асар тау» қалмаған. Бар табан тіреп, соңғы бекінер қамалы, шығар мінбері мен сөйлер жері – Ресей теледидары мен баспасөзі. Сосын, әлгі сорос пен Батыс. Олардың айтуынша, Қазақстанның болашағы күңгірт, онда экономика тұралап, өркениет пен мәдениет дамымай қалған. Тіпті, айта берді, ол кері – феодализмге шегініп бара жатқан көрінеді. Ел-жұрты болса, сауатсыз, саяси соқыр. Барлық жақсылық пен игілік, демократия Батыс пен Ресейде. Оны айтасыз, Қазақстанды АҚШ не Қытай жақын күндері жаулап алып, Ресей сыбағасыз қалатын көрінеді. Ендеше, Ресей тез «Қазақстанға қарай бет бұрмаса» болмайды екен.
Өйткені, Балташ Тұрсымбаев тілімен айтқанда, «казахстан уходит от России все дальше и дальше», сондықтан, ол «россия должна вспомнить о своих соотечественниках в нашей республике и оказать им поддержку» дейді. Не деген жанашырлық, неткен көріпкелдік?! Мұндай «интернационалдық» қолұшын орыстарға бұған дейін ешкім бермеген көрінеді. «казахстан, КОТОРЫЙ МЫ ПОТЕРЯЛИ? В Астане путин популярней Назарбаева» (Московский комсомолец. 18 қаңтар, 2002 жыл) деп, тағдырымызды сырттан кесіп-пішкісі келетіндер де со Балташ Тұрсымбаев секілділер. Соңғы он жыл ішінде Қазақстанды өздері «жерлеп», өздері «жоқтауын» айтатын белгілі бір топ пайда болды. Олардың әулиелігі сонда, қай кезең, қай уақытта да топ күйінде аты-жөндері өзгеріп, жаңармайды. Жаңара қалғанда да, ондай «жоқтаушылар» оларға жолдан қосылады. Қазақстанда қандай жағдай болмасын, ол қалай дамып, қандай кеңістік пен уақытта өрістемесін, оларға бәрібір. Әйтеуір, «жоқтау» айтып және оны өз ел-жұртында айтса екен-ау, жоқ, қапысыз сыртқа шығарып, сыртта, тіпті, болмаса, сөзсіз оны ресей жаққа, сосын Батысқа қарап айтулары тиіс. Со шіркіндер Мәскеудің көз жасына сенбейтінін, ал, Еуропаның, тіпті, сенгісі келмейтінін де білмейтін болулары керек.
Міне, осындайда есіңе еріксіз А.Блоктың «Двенадцать» жырындағы жылаңқы дауысты «Предатели! Погибла россия!» деген ұзын шашты ділмәрі мен бір кітаптағы Вавильон өзенінің жағасында отырып, қуғын-сүргінде көз жасын көлдеткен жарымкөңіл жан түседі. Әйтпесе, сол біз тілге тиек еткен мақаласында балташ Тұрсымбаев мырза: «С приходом к власти нового президента, Владимира Путина у казахстанцев появляется надежда на то, что Россия наконец начнет замечать своего южного соседа. Это может быть удивительно, но сегодня в казахстане, по результатам независимых социологических исследований, рейтинг В.Путина (46,4%) опережает рейтинг нашего президента Назарбаева (18,9%)...» демес еді ғой. Құдай-ау, осындай өтірік пен оның себеп-салдарсыз көлгір жасына кім сенеді? Жалпы, мен Ресей газетінде жарияланған осы бір сұхбатқа дейін Балташ Тұрсымбаев мырзаның еліміздің қоғамдық-саяси, әлеуметтік-тұрмыстық, экономикалық-мәдени өміріндегі алатын орнын білмей дал болып жүретінмін. Ал, мәскеулік Михаил Ростовскийге берген сұхбатынан кейін, оның бет-пердесі толық ашылды. Енді, тағы бірде ол журналист сұрағына орай: «На словах, в интервью различным российским СМИ, наш президент выступает за самое тесное сотрудничество с Россией. На деле же все происходит наоборот: Казахстан уходит от России все дальше и дальше. любые попытки России решить какой-нибудь, хотя бы локальный вопрос в Казахстане считаются у нас «вмешательством во внутренние дела суверенного государства». В качестве подтверждения можно привести имеющую место скрытую политику казахстанских властей по вытеснению из власти представителей русского населения. Имеются случай физического воздействия на политиков, которые пытаются противостоять такой дискриминации. Но ни один такой случай не получил адекватной оценки ни со стороны казахстанских властей, ни со стороны российских. Еще, одно подтверждение сказанному – это темпы миграции руссию: казахстан уже покинуло более 2,5 млн. русскоязычных» деп сайрайды. Сонда бұл не, сатқындық па, әлде сөз жауапсыздығы ма? Ендеше, біз де Қазақстандағы Балташ Тұрсымбаев айтып қоймайтын БАҚ-тың жағдайы мен жоғары оқу орындарындағы кейбір цифрлар мен фактілерге жүгінейік. Және орыс тілінде: «... на русском языке обучается почти 70 процентов студентов, на казахском – 30 процентов.
В 61 высшем учебном заведении Казахстана, из 255800 студентов обучаются: на казахском свыше 77 тысяч студентов, на русском – 177 тысяч» болса, ал, енді БАҚ-қа келейік: «Из 1425 издающихся в Казахстане газет: на русском языке выходят 581, на русском и казахском языке (смеш.) – 514, на русском, казахском и других языках – 84. Из 334 журналов: на русском языке выходят – 147, на русском и казахском – 49, на русском, казахском и другом – 64. В Казахстане на месте печатаются газета «Известия», «Труд», «Комсомольская правда», «Аргументы и факты», «Новая газета» екен. Мұндай фактілер мен цифрларды көптеп келтіруге болады. Ал, ресейден Қазақстанға кеткендердің қайта оралып, тіпті, олардың саны күннен-күнге артып жатқанын қайда қоямыз? Сонда дейміз-ау, Балташ Тұрсымбаев не дейді, алдарыңыздағы фактілер мен цифрлар не дейді? Бұл көзі ашық кез келгенімізге өтірік пен шындықтың арасын толық ашып береді ғой деп ойлаймыз. Мұндай Ресей мен Қазақстан арасына іріткі салып, ши жүгірту өзін үлкен азамат санайтын жанға жараспаса керек.
Тағы да қайталап айтамыз, жоғарыда келтірілген Балташ Тұрсымбаев тарапынан шыққан сөздер сатқындық па, әлде сөз жауапсыздығы ма? Егер, сатқындық болатын болса, онда ол туралы айтылған сол Балтекеңнің бір газетке берген сұхбатындағы өз сөзін келтірейік: «Предательство осуждалось в любом обществе во все времена, пусть он будет не предателем, а врагом. Я могу привести афоризм восточных философов: «лучше иметь одного смелого, сильного врага, чем сто слабых, трусливых друзей-предателей» дейді онда ол. осындай жоғары қызудағы, ұлағатты сөз айтып отырған оның Ресейдің «московский комсомолец» газетіне берген сұхбатын, сосын өзін кім және қандай аспектіде қабылдауымыз керек. болмаса ол Балтекеңнен «үйіңіздегі теледидарыңыздан ұлттық не көресіз? Не ұл-қызыңыз, сондай-ақ, немерелеріңізбен қатар отырып, мамыражай кешкілік әдемі бір көңіл-күйде телекино, болмаса, дені сау хабар көре аласыз ба?» – деп сұрасақ, қалай болар еді? Өтіріктің де шегі болмай ма?
Жалпы, біз бүкіләлемдік қалып (стандарт) бойынша, моноұлттық елміз. Қазақтар Франциядағы француздарға, Испаниядағы испандарға, Англиядағы ағылшындарға қарағанда, Қазақстанда артықпыз. Неге олар өздерін унитарлық, ұлттық мемлекетпіз дейді де, біз өзімізді көпұлтты елміз дейміз. Тіпті, іргеміздегі украин, латыш, эстон, грузиндер де солай. Біздің солардай болуымызға кім, неге қарсы? Ал, ондай мемлекетте, әрине, жергілікті жердегілер қызметтің әр саласында да аз да болса, көпшілік болады. Ендеше, Балташ Тұрсымбаевтың: «орыстар Қазақстанда 40%, ендеше билік саласында да олар сонша болулары керек» дегенге саятын ой айтуында не сыр бар? Бұл солақайлық па, әлде сорлылық па?.. Оның Қазақстанға, сонымен бірге, сол елдің азаматтары атына Ресейдегі пәлен миллион оқырманы бар газетте ғайбат сөздер айтып, қаралауы сол өзі айтып отырған сатқындық емес пе? Жалпы, қарапайым халық не көрсе де, өзінің интеллигенциясынан көреді. осындайда есіңе орыс философы Сергей Булгаковтың: «На пиру богов» еңбегіндегі интеллигенция туралы айтылған: «проклятая русская интеллигенция! Сначала одурила свою собственную голову, а потом отравила и развратила весь народ» деген сөзі түседі. Сондықтан, ағайын, демократия мен демогогияны жаңылыстырып, ел-жұртымызға, әрі оның азаматтарына сырт елдегі әртүрлі, әр саладағы ақпараттық құралдарды пайдаланып, топырақ шаша бермейік. Қазақстан, сосын ондағы азаматтардың қай-қайсысы да бүкіл жетістік-кемшілігімен біздің өзгеге үлгі тұтарлық қадір-қасиетіміз. Ал, ол қадір-қасиетімізді жатжұрттықтардың алдында кетіре берсек, неміз қалады?!
«Жас Алаш».
21 маусым, 2003 жыл
312 рет
көрсетілді0
пікір