- Ел мұраты
- 12 Сәуір, 2017
ҚАЗАҚСТАН РЕСПУБЛИКАСЫ ПРЕЗИДЕНТІНІҢ ЖАРЛЫҒЫ
«Қазақстан Республикасының Конституциясына өзгерістер мен толықтырулар енгізу туралы» 2017 жылғы 10 наурыздағы Қазақстан Республикасының Заңын іске асыру жөніндегі шаралар кешені туралы
«Қазақстан Республикасының Конституциясына өзгерістер мен толықтырулар енгізу туралы» 2017 жылғы 10 наурыздағы Қазақстан Республикасының Заңын іске асыру мақсатында ҚАУЛЫ ЕТЕМІН: 1. Барлық деңгейдегі орталық жəне жергілікті мемлекеттік органдар, жергілікті өзін-өзі басқару органдары Парламенттің, Үкіметтің жəне өзге де мемлекеттік органдардың өкілеттіктері мен жауапкершілігінің көлемін кеңейту жағдайында мемлекеттік аппараттың үздіксіз жұмыс істеуін қамтамасыз ету бойынша барлық қажетті шараларды қабылдасын. 2. Қазақстан Республикасының Пар- ламентіне «Қазақстан Республикасының Конституциясына өзгерістер мен толықтырулар енгізу туралы» 2017 жылғы 10 наурыздағы Қазақстан Республикасы Заңының (бұдан əрі – Заң) талаптарына сəйкес Парламенттің жəне оның Палаталарының қызметін қамтамасыз ететін шараларды қабылдау ұсынылсын. 3. Қазақстан Республикасының Үкіметі орталық жəне жергілікті атқарушы органдардың өкілеттіктердің қосымша көлемімен жұмысқа функционалдық дайындығына талдау мен бағалауды жедел жүргізсін жəне атқарушы органдардың жаңа ұйымдық-құқықтық жағдайларда тиімді жұмыс істеуін қамтамасыз ететін шараларды қабылдасын. Бұл жұмыстың қорытындылары туралы Қазақстан Республикасының Президентіне баяндасын. 4. Қазақстан Республикасы Президентінің заң шығару бастамасы тəртібімен Қазақстан Республикасы Парламенті Мəжілісінің қарауына мыналар енгізіледі деп айқындалсын: 1) «Қазақстан Республикасының Президенті туралы», «Қазақстан Республикасының Тұңғыш Президенті – Елбасы туралы», «Қазақстан Республикасының Парламенті жəне оның депутаттарының мəртебесі туралы», «Қазақстан Республикасының Үкіметі туралы», «Қазақстан Республикасының Конституциялық Кеңесі туралы», «Қазақстан Республикасының сот жүйесі мен судьяларының мəртебесі туралы», «Қазақстан Республикасындағы сайлау туралы», «Республикалық референдум туралы» конституциялық заңдарды Заңға сəйкес келтіруді көздейтін Конституциялық заңның жобасы; 2) «Прокуратура туралы» жаңа Қазақстан Республикасы Заңының жобасы. 5. Қазақстан Республикасы Президентінің Əкімшілігі мүдделі мемлекеттік органдармен бірлесіп: 1) осы Жарлықтың 4-тармағында көзделген заңнамалық актілер жобаларын əзірлеуді жəне Қазақстан Республикасы Президентінің қарауына енгізуді қамтамасыз етсін; 2) Қазақстан Республикасы Президентінің қолданыстағы актілерін Заңға сəйкес келтіру жөніндегі шараларды қабылдасын. 6. Қазақстан Республикасының Үкіметі екі ай мерзімде: 1) өзге де заңнамалық актілерді Заңға сəйкес келтіруді қамтамасыз ететін шаралар қабылдасын; 2) Үкіметтің, орталық жəне жергілікті атқарушы органдардың, сондай-ақ мəслихаттардың актілеріне ревизия жүргізуді жəне оларды Заңға сəйкес келтіруді қамтамасыз етсін. 7. Қазақстан Республикасының Конституциялық Кеңесі, Жоғарғы Соты, Орталық сайлау комиссиясы, сондай-ақ Қазақстан Республикасының Президентіне тікелей бағынатын жəне есеп беретін мемлекеттік органдар өздері қабылдаған нормативтік-құқықтық актілерді қайта қарау жəне Заңға сəйкес келтіру жөніндегі шараларды қабылдасын. 8. Қазақстан Республикасының Сыртқы істер министрлігі Қазақстанның шетелдік жəне халықаралық əріптестеріне конституциялық реформаға сəйкес елдің мемлекеттік құрылымында болған өзгерістердің мəні мен мазмұны туралы ақпаратты жеткізуді қамтамасыз етсін. 9. Қазақстан Республикасы Президентінің Əкімшілігі жəне Қазақстан Республикасының Үкіметі осы Жарлықты іске асыру жөніндегі өзге де шараларды қабылдасын. 10. Осы Жарлықтың орындалуын бақылау Қазақстан Республикасы Президентінің Əкімшілігіне жүктелсін. 11. Осы Жарлық қол қойылған күнінен бастап қолданысқа енгізіледі.
Қазақстан Республикасының Президенті Н. НАЗАРБАЕВ Астана, Ақорда, 2017 жылғы 13 наурыз № 437
472 рет
көрсетілді0
пікір